ЖОК Ново Село е женски одбојкарски клуб формиран февруари 2023, посветен на развојот и промоцијата на женската одбојка во Ново Село и пошироко. Клубот создава можности за младите девојки да го запознаат и развиваат својот талент преку спорт, дисциплина, тимска работа и посветеност.
Посебен акцент се става на развојот на младите категории, создавање здрава и позитивна спортска средина и поттикнување на девојките да бидат активни, самоуверени и успешни преку одбојката.
ЖОК Ново Село има визија да продолжи да расте како клуб, да создава нови генерации квалитетни одбојкарки и да придонесува кон развојот на женската одбојка во Македонија.
