Машкиот национален тим на Македонија во групната фаза на Европското првенство 2026 ќе игра во Варна, во рамките од групата Б, откако беше избор на еден од организаторите – Бугарија.
Откако Бугарите го искористија правото на избор, ждрепката за противници во групата Б ни ги донесе уште и Полска, Украина, Португалија и Израел.
Светскиот првак Италија како носител во групата А ја избра Шведска, а друштво ќе им прават Словенија, Чешка, Грција и Словачка. Финска во Тампере во рамките од групата Ц ќе ги пречека Естонија, Србија, Белгија, Холандија и Данска. Во групата Д во Клуж, Романија ја избра Латвија, а преку ждрепката за ривали ги доби и Франција, Германија, Турција и Швајцарија.
Македонија по четвртипат во низа ќе учествува на еден континентален собир.
До почетокот на 34. Европско првенство 2026 во машка конкуренција остануваат 314 дена, а континенталниот собир ќе се одржи во Италија, Бугарија, Финска и Романија од 9 до 26 септември следната година.
ЕВРОВОЛЕЈ 2026, ГРУПНА ФАЗА
ГРУПА А, НАПОЛИ
ИТАЛИЈА
ШВЕДСКА
СЛОВЕНИЈА
ЧЕШКА
ГРЦИЈА
СЛОВАЧКА
ГРУПА Б, ВАРНА
БУГАРИЈА
МАКЕДОНИЈА
ПОЛСКА
УКРАИНА
ПОРТУГАЛИЈА
ИЗРАЕЛ
ГРУПА Ц, ТЕМПЕРЕ
ФИНСКА
ЕСТОНИЈА
СРБИЈА
БЕЛГИЈА
ХОЛАНДИЈА
ДАНСКА
ГРУПА Д, КЛУЖ
РОМАНИЈА
ЛАТВИЈА
ФРАНЦИЈА
ГЕРМАНИЈА
ТУРЦИЈА
ШВАЈЦАРИЈА
