Заедно со Првата лига – жени потврден е и изгледот на националното првенство во Втората лига – жени во пресрет на новата сезона 2025/2026, која е предвидено да започне на 11 октомври. Во второлигашката женска конкуренција сезонава ќе имаме 13 екипи, со четири новопријавени клубови – Шкупи од Скопје, Ново Село од Ново Село, како и Виола Волеј и ГОК Борец од Велес.
Ждрепката на натпреварувачките броеви го одреди и распоредот за новата сезона, каде во првото коло новиот тим на Шкупи е слободен, додека Ново Село ќе дебитира на домашен терен против Вардар жени 2019. ГОК Борец исто така стартува пред својата публика против Македонија Макс. Форца Волеј ЕМА го пречекува ЖОК Куманово, Виола Волеј ќе ги измери силите со Виктори Волеј на премиерата, додека Бами Кор ќе игра со Фламинго Волеј, а Универзитет од Тетово и Јанта Волеј Бутел се последната двојка на стартот.
Пропозициите за Втората лига – жени велат дека екипите играат двокружен бод систем (26. кола, 24 натпревари) дома – гости, по чие завршување првопласираната екипа обезбедува директен пласман во Првата лига – жени во сезоната 2026/27. Второпласираниот тим игра бараж натпревар со деветтопласираната екипа од Прва лига – жени за влез во поквалитетното друштво.
ВТОРА ЛИГА ЖЕНИ, СЕЗОНА 2025/26
1.КОЛО, ДВОЈКИ:
Ново Село – Вардар жени 2019
ГОК Борец – Македонија Макс
Форца Волеј ЕМА – ЖОК Куманово
Виола Волеј – Виктори Волеј
Бами Кор – Фламинго Волеј
Универзитет во Тетово – Јанта Волеј БУТ
