Организаторот на играта на машкиот национален тим, Ѓорѓи Ѓоргиев во новата сезона ќе го носи дресот на француски Поатје. Техничарот по третпат се враќа во француското првенство откако претходно во кариерата има настапувано за Париз Волеј и Камбрe.
Тој во Франција доаѓа од редовите на турски Туршад каде минатата сезона настапуваше заедно со неговиот брат, Никола Ѓоргиев, кој исто така го напушти клубот и сезонава ќе ги брани боите на романски Динамо Рапид.
Ѓорѓи и францускиот прволигаш се договорија на едногодишна соработка, а дебито во новиот дрес македонскиот одбојкар треба да го има денеска на подготвителен дуел на тимот.
Ѓоргиев интернационалната кариера повеќе од една деценија ја гради настапувајќи во клубови во Бугарија, Турција, Полска и Франција.
