Македонија забележа две победи и два пораза и во силна конкуренција како што е секогаш на Балканијадите, заврши петтопласирана на турнирот за одбојкарки родени 2007-ма и помлади. Националниот состав предводен од селекторот Александар Митев ја совлада Црна Гора во последниот настап во Тирана со 3:2 (23:25, 25:20, 22:25, 25:17, 18:16) по голема борба во натпреварот со многу пресврти и учеството го заврши со биланс 2-2.
Првото место го освои Турција која во финалето беше подобра од Бугарија со 3:0, Србија заработи бронза по триумфот над Романија во четири сета, Македонија е петта, Црна Гора шеста, домаќниот Албанија го зазеде седмото, а Молдавија осмото место.
Наш претставник на Балканското првенство во Тирана деновиве беше и судијата Алекса Алексовски.
Репрезентација на Македонија (кадетки):
Мартина Азманова (Наковски волеј), Викторија Трајкова (Наковски волеј), Ивана Милева (Наковски волеј), Матеа Сотировска (Газели волеј), Зофија Георгиевска (Газели волеј), Јована Каленикова (Газели волеј), Ева Ристовска (Бами Кор), Матеа Петровска (Бами Кор), Ирена Узунова (Бами Кор), Билјана Јаковлевска (Пелистер волеј), Лиле Лозановска (Пелистер волеј), Анастасија Ристевска (Пелистер волеј), Ана Ѓорѓиевска (Вардар ЕМ), Елена Трајковска (Вардар ЕМ), Симона Наковска (Јанта волеј), Ива Илиева (Јанта волеј), Стефанија Кипријановска (Младост УГД), Андротеа Милевска (Работнички Скопје).
Балканско првенство 2024 (одбојкарки до 18 години) – Тирана
1.коло (вторник, 18.06.2024)
Бугарија – Романија 3:0 (25:16, 26:24, 25:15)
Албанија – МАКЕДОНИЈА 1:3 (23:25, 20:25, 26:24, 16:25)
2.коло (среда, 19.06.2024)
МАКЕДОНИЈА – Романија 0:3 (18:25, 17:25, 17:25)
Албанија – Бугарија 0:3 (5:25, 11:25, 15:25)
3.коло (четврток, 20.06.2024)
МАКЕДОНИЈА – Бугарија 0:3 (14:25, 14:25, 11:25)
Романија – Албанија 3:0 (25:15, 25:13, 25:24)
Натпревар за 5-то место (сабота, 22.06.2024)
МАКЕДОНИЈА – Црна Гора 3:2 (23:25, 25:20, 22:25, 25:17, 18:16)
