Во овие два дена, одбојкарите ќе стигнат до половина од Втората фаза по којашто ќе бидат познати полуфиналните двојки и конечниот пласман од 7-то до 12-то место во сезоната 2023/24. Дербито на петтото коло е утре во Скопје меѓу Работнички 71&22 и Штип УГД, а со победа со 3:0 или со 3:1, екипата од главниот град ќе ја преземе втората позиција на табелата. Бранителот на двојната круна, Струмица 47&71, ќе гостува кај Универзитет во Тетово, но во друг термин, а тоа е шанса Лирија да се врати во водечката четворка којашто обезбедува разигрување доколку слави над Весна Пробиштип.
Во Втората фаза-2, Шкендија е фаворит против Вардар, а ГОК Борец против Јанта волеј, па очекувано е овие два тима да ја продолжат трката за врвот, а со тоа за седмото место во конечното рангирање. Сушево ќе се обиде да се доближи до нив со триумф над Македонија Џио која во оваа сезона ги забележа првите две победи во настапите во најсилната македонска одбојкарска конкуренција.
Прва лига (мажи), Втора фаза-1, 5-то коло
Универзитет во Тетово – Струмица 47&71 (одложен)
Лирија – Весна Пробиштип 3:0 (25:20, 25:18, 25:21)
Работнички 71&22 – Штип УГД 3:1 (25:20, 25:21, 16:25, 25:15)
Табела: Струмица 15-0, Работнички 12-4, Штип УГД 12-4, Лирија 10-6, Универзитет во Тетово 9-6, Весна Пробиштип 7-9.
Прва лига (мажи), Втора фаза-2, 5-то коло
Шкендија – Вардар 3:0 (25:14, 25:14, 18:25, 25:6)
Јанта волеј – ГОК Борец 0:3 (21:25, 21:25, 10:25)
Сушево – Македонија Џио 3:0 (25:13, 25:13, 25:16)
Табела: Шкендија 9-7, ГОК Борец 8-8, Сушево 6-10, Јанта волеј 3-13, Вардар 2-14, Македонија Џио 2-14.
