За разлика од кај одбојкарите, натпреварувачкиот систем во Европската сребрена лига кај дамите е поинаков затоа што учествуваат осум репрезентации, а тоа значи дека од едната група најдобрите две репрезентации ќе обезбедат пласман на завршниот тунир во Австрија. Можеби и од двете, под услов Австријките да се на првите две позиции во нашата група.
Ние не размислуваме во таа насока, туку се обидуваме да поставиме темели за поквалитетна игра во следните години. Оттука, исклучително е важно што женската сениорска репрезентација повторно игра одбојка на континентално рамниште и тој факт е успех сам по себе. Доколку тимот предводен од селекторот Стефан Пауновиќ успее да напредува со секој нов чекор, тоа ќе биде доволно за оваа акција. Против Австрија освоивме 50, против Летонија 59 поени, а доколку растечкиот биланс продолжи и против Естонија која ќе ја пречекаме в сабота, тогаш помирно ќе одиме на трите гостувања едноподруго, најпрво во Талин, потоа во Рига и во Виена. Но Естонките досега се единствени со максимален ефект, против Австрија загубија само 46 поени, а тоа ја отсликува нивната сила. Како и да е, нема дилеми дека македонските девојки ќе се обидат да одиграат подобро, да дадат отпор и да уживаат во можноста да бидат во престижното друштво. Сепак, процесот само што тргна.
