Екипата на Газели Волеј е шампион во женска младинска конкуренција. На завршниот турнир, кој се играше во СЦ „Форца“ во Скопје младите „газели“ во финалето со 3:1 (22:25, 25:16, 25:10, 25:16) го совладаа градскиот ривал Фит Фан Волеј.
Газели Волеј со пресврт стигна до титулата, откако во грч го отвори натпреварот, за разлика од Фит Фан Волеј, кој делуваше помирен и поведе со 22:25 по првиот сет. Но, во продолжението „газелите“ ги консолидираа редовите, играа поконцентрирано како во полето, така и на мрежата и се изборија за комплетен пресврт и победа, која им ја донесе и титулата.
На патот до финалето, претходно Газели Волеј со 2:0 го победија бранителот на пехарот Јанта Волеј КВ, додека во полуфиналето Фит Фан Волеј беше подобар од Наковски Волеј.
Натпреварот за третото место беше дуел на ланските финалисти, во кој Јанта Волеј КВ го совлада составот на Наковски Волеј.
ФИНАЛЕН ТУРНИР МЛАДИНКИ
ПОЛУФИНАЛЕ
Газели Волеј – Јанта Волеј КВ 2:0 (25:17, 25:17)
Фит Фан Волеј – Наковски Волеј 2:0 (25:19, 25:22)
МЕЧ ЗА 3. МЕСТО
Јанта Волеј КВ – Наковски Волеј 2:0 (25:14, 25:15)
ФИНАЛЕ
Газели Волеј – Фит Фан Волеј 3:1 (22:25, 25:16, 25:10, 25:16)
КОНЕЧЕН ПЛАСМАН
1.Газели Волеј
2. Фит Фан Волеј
3. Јанта Волеј КВ
4. Наковски Волеј
