Младите надежи на Работнички 71&22 се нови шампиони во младинска машка конкуренција.
На завршниот турнир, на кој клубот беше домаќин во салата „Невена Георгиева Дуња“ во Скопје, младинците со 3:0 (25:17, 25:10, 25:23) ја победија Весна Пробиштип во финалето и го кренаа трофејот.
Двата тима до битката за пехарот стигнаа откако претходно Работнички 71&22 со 3:1 во сетови ги победи врсниците од Штип УГД, додека Весна Пробиштип со 3:2 го елиминираше бранителот на титулата Струмица 47&72.
Во дуелот за третото место, бронзата им припадна на струмичките одбојкари, кои со 3:0 (25:17, 25:23, 25:23) го совладаа Штип УГД.
Со ваквата разврска во првенството до 21 година, заврши и доминацијата на Струмица 47&72 во младите категории.
Ф4 МЛАДИНЦИ
ФИНАЛЕ
РАБОТНИЧКИ 71&22 – ВЕСНА ПРОБИШТИП 3:0 (25:17, 25:10, 25:23)
МЕЧ ЗА 3. МЕСТО
ШТИП УГД – СТРУМИЦА 47&72 0:3 (17:25, 23:25, 23:25)
КОНЕЧЕН ПЛАСМАН
1.РАБОТНИЧКИ 71&22
2.ВЕСНА ПРОБИШТИП
3.СТРУМИЦА 47&72
4.ШТИП УГД
