Машката сениорска репрезентација утринава отпатува за Атина каде утре (19 часот по македонско време) ќе се соочи со Грција, во еден од најважните натпревари во квалификациите за пласман на Европското првенство 2026.
Селекторот Јошко Миленкоски ги избра 14-те „спартанци“ кои одат во поход на Атина, а единствена промена од составот кој го понесе товарот во Европската Златна лига е враќањето на средниот блокер Филип Маџунков.
Македонија попладнево треба да пристигне во Атина, каде вечерва ќе одработи еден тренинг, додека утре во 19 часот ќе се соочи со Грција во претпоследниот меч од евро-квалификациите.
