Селекторот на машкиот национален тим Јошко Миленкоски го дефинираше изгледот на тимот кој ќе настапи на првиот турнир во Братислава во ЦЕВ Европската Златна лига 2025.
Стратегот нема голема можност за кратење на списокот со оглед на тоа дека во подготвителниот процес можеше да смета само на 15 одбојкари, од кои тројца организатори на играта, па тие ќе ротираат во составот во престојниот период. На првиот турнир нема да настапи Давид Стојанов.
Репрезентацијата в петок патува за Братислава, додека настапот во ЦЕВ Европската Златна лига 2025 го започнува в сабота кога во 15 часот, во „Гопас Арена“ игра со Финска. Вториот натпревар Македонија го игра в недела, исто така од 15 часот, против домаќинот на турнирот, Словачка.
