Одбојкарките на Ускана Волеј се последниот учесник во Првата женска лига во следната сезона. Тимот од Кичево го одбрани прволигашкиот статус откако двата бараж натпревари за опстанокот во најсилното женско друштво ги реши во своја полза.
Тетовски Бами Кор, ја имаше улогата на предизвикувач откако екипата како третопласирана го заврши настапот во Втората женска лига сезонава и се избори за шанса да се искачи чекор погоре на натпреварувачката скала.
Сепак во дуелите со Ускана Волеј, Бами Кор немаше шанси да бара нешто повеќе со оглед на тоа дека кичевскиот состав доминираше и на двата дуели со 3:0 на гостински терен и 3:1 во реваншот пред својата публика.
Со оглед на расплетот во баражите каде покрај Ускана Волеј претходно и Струмица жени го задржаа прволигашкиот статус, единствено екипите на Газели Волеј и Пелистер Волеј од Втората преминуваат во Првата лига следната сезона.
