Одбојкарките на Струмица жени и следната сезона ќе се натпреваруваат во Првата женска лига. Прволигашкиот статус струмичанки го одбранија со две убедливи победи против Вардар жени во баражот.
Во првиот меч на гостински терен Струмица жени со максимални 3:0 го направи првиот чекор кон обезбедување на опстанок во најсилното друштво, а денеска со нов убедлив триумф пред својата публика и го потврди. Вардарки по одличната сезона во Втората лига во која завршија во топ-4 си создадоа ситуација да бараат шанса за место во посилното друштво, но немаа сили да ја минат последната пречка.
Последниот учесник во Првата женска лига следната сезона треба да го даде вториот бараж пар, во кој играат Ускана и Бами Кор, а кичевскиот состав има предност од 1:0 во победи.
