Машкиот и женскиот средношколски тим (до 18 години) кои нè претставуваа на Европската Гимназијада за средни училишта на Златибор, настапот го завршија на претпоследното место во генералниот пласман, со по една победа.
Натпреварувањето на двете екипи во нивните категории беше според принципот „секој со секого“ во два добиени сета до 25 поени, а по одигрувањето на сите натпревари се формираше конечниот пласман.
Момчињата во конкуренција со тимови од Србија, Чешка, Црна Гора, Република Српска и Молдавија, единствено успеаја да дојдат до победа над молдавските врсници, додека во дуелите со Црна Гора и Република Српска победникот го одлучуваше трети сет.
Девојките, пак, имаа поголема конкуренција, односно две земји имаа по две екипи (Молдавија и Република Српска). Македонските одбојкарки стартуваа со победа од 2:1 против првиот тим на Молдавија, потоа со 2:0 го совладаа и вториот молдавски состав, но во останатите дуели не успеаја да се израдуваат.
МАЖИ У18, РЕЗУЛТАТИ:
ЧЕШКА – МАКЕДОНИЈА 2:0
МАКЕДОНИЈА – СРБИЈА 0:2
ЦРНА ГОРА – МАКЕДОНИЈА 2:1
РЕПУБЛИКА СРПСКА – МАКЕДОНИЈА 2:1
МАКЕДОНИЈА – МОЛДАВИЈА 2:0
ПЛАСМАН
1.СРБИЈА
2. ЧЕШКА
3. РЕПУБЛИКА СРПСКА
4. ЦРНА ГОРА
5. МАКЕДОНИЈА
6. МОЛДАВИЈА
ЖЕНИ У18, РЕЗУЛТАТИ
МАКЕДОНИЈА – МОЛДАВИЈА 1 2:1
МОЛДАВИЈА 2 – МАКЕДОНИЈА 0:2
МАКЕДОНИЈА – ЧЕШКА 0:2
СРБИЈА – МАКЕДОНИЈА 2:0
МАКЕДОНИЈА – ЦРНА ГОРА 0:2
РЕПУБЛИКА СРПСКА 1 – МАКЕДОНИЈА 2:1
МАКЕДОНИЈА – РЕПУБЛИКА СРПСКА 2 0:2
ПЛАСМАН
1.СРБИЈА
2.ЧЕШКА
3.РЕПУБЛИКА СРПСКА 2
4.ЦРНА ГОРА
5.РЕПУБЛИКА СРПСКА 1
6. МАКЕДОНИЈА
7. МОЛДАВИЈА 2
8. МОЛДАВИЈА 1
