Одбојкарите на Шкендија и Работнички 71&22 втора година во низа ќе се соочат во четвртфиналето од Купот на ОФМ во машка конкуренција. Разликата од ланската сезона ја прави тоа што четвртфиналниот дуел ќе се игра на теренот на Шкендија, како подобро пласирана екипа по првиот дел од сезоната, што ја смести во шеширот со носителите во ждрепката. Во првиот шешир уште беа и Струмица 47&72, Штип УГД и Борец кои имаа директен пласман во четвртфиналето. Екипите кои успешно го минаа претколото – Работнички 71&22, Универзитет во Тетово, Скопје и Лирија се најдоа во вториот шешир.
Останатите четвртфинални парови ги сочинуваат бранителот на куп-пехарот Штип УГД и Скопје, Борец и Лирија, односно Струмица 47&72 и Универзитет во Тетово.
Четвртфиналните дуели се закажани за 19 февруари (среда), се игра во еден добиен натпревар на теренот на носителите.
ЧЕТВРТФИНАЛНИ ПАРОВИ КУП НА ОФМ 2025 МАЖИ
Штип УГД – Скопје
Струмица 47&72 – Универзитет во тетово
Борец – Лирија
Шкендија – Работнички 71&22
