Шкендија, Универзитет во Тетово, Работнички, Скопје и Лирија се клубовите кои успешно го минаа претколото за пласман во четвртфиналето од Купот на ОФМ 2025 во машка конкуренција. Натпреварите се играа на теренот на подобро пласираниот тим од есенскиот дел на сезоната, а Скопје беше единствената екипа кој се радуваше на гости кај Вардар.
Најинтересниот дуел го одиграа Универзитет во Тетово и Весна Пробиштип, каде тетовскиот состав славеше во тај-брејкот. Имаа водство домашните од 2:0 во сетови, но Весна Пробиштип се врати во игра кога беше најпотребно и ги освои следните два. Во клучниот сет, домашниот состав беше помирен и направи помалку технички грешки и го завери пласманот во следната фаза.
Струмица, бранителот на титулата Штип УГД и Борец имаа обезбеден директен пласман во четврфиналната фаза според пласманот од есенскиот дел на табелата од сезоната.
Ждрепката за четвртфиналните парови е закажана за 14 февруари, он-лајн, во 13 часот, додека натпреварите ќе се играат на 19 февруари (среда).
ПРЕТКОЛО ЗА ЧЕТВРТФИНАЛЕ КУП НА ОФМ 2025:
Шкендија – Јанта Волеј 3:0 (25:12, 25:8, 25:10)
Универзитет во Тетово – Весна Пробиштип 3:2 (25:19, 25:17, 20:25, 20:25, 15:6)
Работнички – Сушево 3:0 (25:9, 25:22, 25:18)
Вардар – Скопје 1:3 (15:25, 25:21, 14:25, 14:25)
Лирија – Македонија Џио 3:1 (25:18, 19:25, 25:23, 25:15)
