Куп-пехарот во женска конкуренција ќе има нов освојувач. Ова стана јасно откако бранителот на трофејот, Струмица жени е елиминиран од Пелистер Волеј во осминафиналето од Купот на ОФМ 2025. По скоро двоипол часовна борба, во пет сета, битолскиот тим ги победи струмичанки и уште во раната фаза стави крај на нивниот настап во ова натпреварување.
На одбојкарките на Вардар ЕМ исто така им беа потребни пет сета за да се радуваат над Фламинго и да го потврдат своето место во четвртфиналето. Со исклучок на овие два пара, на останатите средби фаворитите без посериозни проблеми го заверија пласманот во следната рунда.
Јанта Волеј КВ, Работнички Скопје, Наковски Волеј, Фит Фан Волеј, Вардар ЕМ, Младост УГД, Пелистер Волеј и Газели Волеј се екипите кои обезбедија четвртфинале во женска конкуренција. Ждрепката за четвртфиналните парови е закажана за 14 февруари, он-лајн, во 13 часот, додека натпреварите ќе се играат на 19 февруари (среда).
ОСМИНАФИНАЛЕ КУП НА ОФМ 2025 ЖЕНИ, ДВОЈКИ:
Јанта Волеј КВ – Куманово 3:0 (25:2, 25:22, 25:11)
Работнички Скопје – Форца Волеј ЕМА 3:0 (25:10, 25:12, 25:9)
Наковски Волеј – Вардар жени 3:0 (25:5, 25:19, 25:15)
Фит Фан Волеј – Јанта Волеј БУТ 3:0 (25:17, 25:16, 25:22)
Вардар ЕМ – Фламинго Волеј 3:2 (11:25, 25:13, 22:25, 25:13, 15:10)
Младост УГД – Бами Кор 3:0 (25:9, 25:7, 25:15)
Струмица жени – Пелистер Волеј 2:3 (23:25, 25:22, 25:27, 25:17, 12:15)
Ускана Волеј – Газели Волеј 0:3 (15:25, 15:25, 18:25)
