Екипата на ЖОК Куманово е последниот патник во осминафиналето од Купот на ОФМ 2025 во женска конкуренција. Кумановки на домашен терен славеа во баражот со 3:1 над Виктори Волеј и обезбедија опстанок во куп-натпреварувањето.
Тие им се приклучија на прволигашите Јанта Волеј КВ, Работнички Скопје, Наковски Волеј, Фит Фан Волеј, Вардар ЕМ, Младост УГД, Струмица жени, Ускана Волеј, како и второлигашите Газели Волеј, Пелистер Волеј, Бами Кор, Фламинго Волеј, Јанта Волеј БУТ, Вардар жени и Форца Волеј ЕМА, кои според позициите на табелата по првиот дел од првенството имаа директен пласман во осминафиналето.
Со добивањето на последниот учесник во оваа фаза истовремено се дефинирани и осминафиналните двојки. Натпреварите се играат на 12 февруари (среда) на теренот на подобро рангираната екипа, а победниците од овие дуели продолжуваат со натпреварување во четвртфиналето од Купот на ОФМ 2025.
БАРАЖ ЗА КУП НА ОФМ 2025 ЖЕНИ
Куманово – Виктори Волеј 3:1 (25:17, 25:16, 17:25, 25:22)
ОСМИНАФИНАЛЕ КУП НА ОФМ 2025 ЖЕНИ, ДВОЈКИ:
Јанта Волеј КВ – Куманово
Работнички Скопје – Форца Волеј ЕМА
Наковски Волеј – Вардар жени
Фит Фан Волеј – Јанта Волеј БУТ
Вардар ЕМ – Фламинго Волеј
Младост УГД – Бами Кор
Струмица жени – Пелистер Волеј
Ускана Волеј – Газели Волеј
