Македонските одбојкари загубија од Грција со 3:1 (25:15, 18:25, 23:25, 20:25) на квалификацискиот натпревар за Европското првенство за две години. Во прекрасен амбиент во арената „Јане Сандански“ во Скопје, пред околу 4000 гледачи, нашиот национален состав одигра маестрален прв сет, но потоа не успеа да го издржи ритамот со оглед на повредите и на здравствената состојба на неколку играчи последната недела.
Статистичките детали за натпреварот може да ги видите на следниот линк:
https://www-old.cev.eu/Competition-Area/MatchStatistics.aspx?ID=72725
Иако не успеаја да заработат бод, или, пак, да победат и со тоа да го решат пласманот на континенталниот собир уште отсега, македонските одбојкари сè уште имаат реална шанса да се најдат на првенството во Италија, во Бугарија, во Романија и во Финска во 2026-та. За да се случи тоа, треба да ја совладаат Грузија дома следниот август, а потоа да се обидат да направат нешто и во Грција. Целта ќе зависи и од резултатите во другите групи, на ЕП ќе одат пет од второпласираните седум репрезентации, па со две победи, со шест бода, со сет против Грција и со одличен поен-количник, Македонија би требало четвртипат по ред да биде дел од европските шампионати.
Дали ќе биде така ќе почекаме до август следната година со реална надеж дека Македонија ќе успее.
