Бранителките на тронот ја продолжија одличната резултатска серија и во вториот натпревар од финалето во разигрувањето за титулата. Одбојкарките на Работнички Скопје славеа над Струмица жени со 3:0 (28:26, 25:20, 25:21) и сега имаат водство од 2-0 во победи во битката за тронот. Тоа значи дека откако ја анулираше предноста на домашен терен на противничките заработена со подобар биланс во основниот тек, екипата на Душко Деспотовски забележа уште еден триумф, сега пред своја публика, а со тоа е на дофат на третиот првенствен пехар едноподруго, четврти од 2019-та досега.
Финалната низа ќе продолжи во Струмица в сабота од 18 часот со пренос на МРТ-3. Доколку струмичанки се радуваат, ќе има најмалку уште еден натпревар, во случајот во главниот град, а во споротивно тоа ќе биде крај на сезоната во македонската женска одбојка со радост за Работнички Скопје, кој во финалето не загуби сет и изгледа убедливо без разлика што вкупниот биланс во меѓусебните дуели сезонава се уште е на страна на Струммица жени (4-3)
Финале (жени) – до три добиени натпревари
Струмица жени – Работнички Скопје 0:3 (24:26, 23:25, 17:25)
Работнички Скопје – Струмица жени 3:0 (28:26, 25:20, 25:21)
Струмица жени – Работнички Скопје (сабота 20.04.2024, МРТ-3, 18.00)
Работнички Скопје – Струмица жени (вторник 23.04.2024)
Струмица жени – Работнички Скопје (петок 26.04.2024)
