Одбојкарките на Работнички Скопје поведоа против Струмица жени со 1-0 во победи во финалето во женскиот одбојкарски шампионат на Македонија. Во првиот натпревар од серијата, бранителките на тронот се радуваа на теренот на ривалките со 3:0 (26:24, 25:23, 25:17) и ја анулираа предноста на домашниот терен што освојувачките на купот ја имаа поради подобриот биланс во основниот тек од сезоната.
Јузгенч со 17, Николова со 11, Стојанова со 10 и Јонузи со 7 поени беа најефикасни кај Работнички Скопје кој ќе се обиде третпат по ред да го освои пехарот во македонсската одбојка. Здјелар со 9, а Владевска и Шчекиќ со по 8 поени не успеаја да го спречат вториот пораз на струмичанки во шестиот меѓусебен дуел со скопската екипа сезонава. Следниот натпревар ќе биде в среда на теренот на Работнички Скопје.
Финале (жени) – до три добиени натпревари
Струмица жени – Работнички Скопје 0:3 (24:26, 23:25, 17:25)
Работнички Скопје – Струмица жени (среда 17.04.2024)
Струмица жени – Работнички Скопје (сабота 20.04.2024)
Работнички Скопје – Струмица жени (вторник 23.04.2024)
Струмица жени – Работнички Скопје (петок 26.04.2024)
