Во трката за влез во разигрувањето во најквалитетната женска одбојкарска конкуренција, секој натпревар може да влијае на пласманот на табелата, а со тоа и да донесе предност на домашен терен во елиминацискиот дел. Јанта волеј ќе ги пречека бранителките на двојната круна, одбојкарките на Работнички Скопје, со надеж дека уште отсега ќе ја обезбеди втората позиција пред полуфиналето. Неприкосновената екипа на Струмица жени со биланс 16-0 ќе истрча во градската пресметка со Наковски волеј кој има ист ефект како и Работнички Скопје.
Во второлигашкото друштво ќе има две дерби-пресметки на водечките четири тима. Газели волеј ќе го брани водечкото место што носи прволигашки статус следната сезона, а Пелистер волеј ќе сервира против Бами Кор со победнички императив доколку сака да остане во реална надеж за директен пласман во елитата, или, пак, за втората позиција што значи бараж.
Кај одбојкарите, Работнички против Лирија ќе се обиде да дојде до значаен триумф за да остане зад шампионот кој нема пораз досега. Струмица 47&72 ќе гостува кај Весна Пробиштип, а на теренот на Универзитет во Тетово, Штип УГД ќе бара рехабилитација за вчерашниот загубен меч од Работнички.
Прва лига (мажи), Втора фаза-1, 6-то коло
Весна Пробиштип – Струмица 47&72 (сабота, 14.00)
Универзитет во Тетово – Штип УГД (сабота, 17.00)
Работнички 71&22 – Лирија (сабота, 19.30)
Табела: Струмица 15-0, Работнички 12-4, Штип УГД 12-4, Лирија 10-6, Универзитет во Тетово 9-6, Весна Пробиштип 7-9.
Прва лига (мажи), Втора фаза-2, 6-то коло
Македонија Џио – Шкендија (сабота, 16.00)
Јанта волеј – Сушево (сабота, 14.30)
Вардар – ГОК Борец (сабота, 20.00)
Табела: Шкендија 9-7, ГОК Борец 8-8, Сушево 6-10, Јанта волеј 3-13, Вардар 2-14, Македонија Џио 2-14.
Прва лига (жени), Втора фаза-1, 3-то коло
Наковски волеј – Струмица жени (сабота, 18.00)
Јанта волеј – Работнички Скопје (понеделник, 20.00, МРТ-3)
Табела: Струмица жени 16-0, Јанта волеј 12-4, Работнички Скопје 9-7, Наковски волеј 9-7.
Прва лига (жени), Втора фаза-2, 3-то коло
Вардар ЕМ – Фит фан волеј (сабота, 14.00)
Младост УГД – Вардар жени (сабота, 16.00)
Табела: Фит фан волеј 8-8, Младост УГД 6-10, Вардар ЕМ 4-12, Вардар жени 0-16.
Втора лига (жени), 14-то коло
Ускана – Газели волеј (сабота, 11.00)
Пелистер – Бами Кор (сабота, 16.00)
Фламинго волеј – Универзитет во Тетово (сабота, 12.00)
Македонија Макс – Виктори волеј (сабота, 13.00)
Форца волеј Ема – Куманово (сабота, 18.00)
Табела: Газели волеј 12-1, Ускана 11-2, Бами Кор 11-2, Пелистер волеј 10-3, Виктори волеј 7-6, Фламинго волеј 6-7, Форца волеј Ема 4-9, Куманово 2-11, Македонија Макс 1-12, Универзитет во Тетово 1-12.
