Во фрекфентниот одбојкарски февруари содржина ќе дадат и четвртфиналните натпревари во купот на Македонија за сезоната 2023/24. Според правилата, на денешната ждрепка екипите беа поделени во два квалитативни сегмента на база на пласманот во есенскиот дел од првенството, па нема дерби соочувања во вистинска смисла.
Кај мажите, бранителот на трофејот Струмица 47&72, Штип УГД, Лирија и Работнички 71&22 ја носат фаворитската улога, а кај дамите тоа важи за ланските освојувачки од Работнички Скопје, за Јанта волеј, за Наковски волеј и за Струмица жени. Подобропласираните од шампионатот ќе играат на домашен терен, не се предвидени реванши, што значи полуфиналистите ќе бидат познати уште на 14-ти овој месец за кога се закажани средбите во друштвото на елитната осумка.
Куп на Македонија (мажи) – четвртфинале
Работнички 71&22 – Шкендија
Струмица 47&72 – ГОК Борец
Штип УГД – Весна Пробиштип
Лирија – Универзитет во Тетово
Куп на Македонија (жени) – четвртфинале
Работнички Скопје – Вардар ЕМ
Јанта волеј – Фит фан волеј
Наковски волеј – Младост УГД
Струмица жени – Пелистер волеј
