И покрај тоа што веќе се поделени билетите за настап во Втората фаза-1, односно во шампионскиот сегмент, натпреварите од завршното есенско коло во двете најсилни македонски одбојкарски првенствени конкуренции имаат значење затоа што бодовите се пренесуваат, а и се уште има отворени прашања и за конечниот пласман. Кај мажите, на гости кај Македонија Џио, Штип УГД денеска треба да го потврди второто место зад шампионот Струмица 47&72, а пред Лирија, која сама одредува дали ќе остане трета. Весна Пробиштип, Работнички 71&22 и Универзитет во Тетово се меѓу првите шест и во Втората фаза-1, а во 11-то коло ќе решаваат за четвртото место. Најдобра почетна основа има скопската екипа затоа што ќе оди кај ГОК Борец, а ривалите играат меѓу себе.
Одбојкарките одамна ја поделија табелата во Првата лига на два дела. Наковски волеј и Јанта волеј се во трка за втората позиција, Струмица жени е прва, а првенките од Работнички Скопје се четврти. Тоа ќе биде изгледот на Втората фаза-1 и на полуфиналето во разигрувањето. Дерби во 14-то коло е локалното соочување во коешто Струмица жени има амбиција да го задржи максималниот биланс и по пресметката со Наковски волеј.
Во Втората лига, 9-та рунда ќе означи половина од натпреварувањето во сезоната 2023/24. Пелистер волеј има шанса да го сочува лидерскиот статус на теренот на Македонија Макс, а кикс на битолчанки ќе чека составот на Газели волеј којшто има потежок тест на теренот на Виктори волеј. Во игра за врвот, а со тоа и за пласман во елитното друштво наредната сезона се и Ускана и Бами Кор, со триумф помалку во однос на ефектот на водечките.
Прва лига (мажи), 11-то коло
Македонија Џио – Штип УГД (поради прокисната сала, одложен за понеделник од 18.00)
Струмица 47&72 – Вардар (сабота, 13.00)
Шкендија – Лирија (сабота, 17.00)
Универзитет во Тетово – Весна Пробиштип (сабота, 20.00)
ГОК Борец – Работнички 71&22 (сабота, 16.00)
Јанта волеј – Сушево (сабота, 18.00)
Табела: Струмица 10-0, Штип УГД 8-2, Лирија 8-2, Весна Пробиштип 7-3, Работнички 7-3, Универзитет во Тетово 6-4, Шкендија 5-5, ГОК Борец 4-6, Сушево 2-8, Јанта волеј 2-8, Вардар 1-9, Македонија Џио 0-10.
Прва лига (жени), 14-то коло
Струмица жени – Наковски волеј (сабота, 19.00)
Јанта волеј – Младост УГД (сабота, 20.00)
Вардар жени – Работнички Скопје (сабота, 19.30)
Вардар ЕМ – Фит фан волеј (сабота, 16.00)
Табела: Струмица жени 13-0, Наковски волеј 9-3, Јанта волеј 9-3, Работнички Скопје 7-6, Фит фан волеј 5-7, Младост УГД 5-8, Вардар ЕМ 2-10, Вардар жени 0-12.
Втора лига (жени), 9-мо коло
Бами Кор – Фламинго волеј (сабота, 17.00)
Македонија Макс – Пелистер волеј (сабота, 13.00)
Виктори волеј – Газели волеј (сабота, 15.00)
Форца волеј Ема – Ускана (сабота, 17.00)
Куманово – Универзитет во Тетово (сабота, 13.00)
Табела: Пелистер волеј 7-1, Газели волеј 7-1, Ускана 6-2, Бами Кор 6-2, Фламинго волеј 5-3, Виктори волеј 4-4, Форца волеј Ема 3-5, Македонија Макс 1-7, Куманово 1-7, Универзитет во Тетово 0-8.
