Претстојното претпоследно коло во есенскиот дел кај одбојкарите може да ја намали конкуренцијата за влез во Втората фаза-1, односно во шампионскиот натпреварувачки сегмент напролет. Засега математички сигурни се само три екипи, но Весна Пробиштип и Работнички 71&22 можат да ја завршат работата во оваа првенствена рунда во Првата лига (мажи), а како што изгледа табелата сега, Универзитет во Тетово и Шкендија ќе се борат за последната, шеста виза, со напомена дека Универзитет има полесна задача против Вардар, а ланскиот полуфиналист треба да направи изненадување кај Штип УГД пред гледачите на МРТ-3 доколку сака да ги зголеми опциите за влез во елитното друштво.
Кај дамите уште отсега е јасно се во насока на тоа кои екипи ќе играат во полуфиналето од разигрувањето. Струмица жени досега не згреши, па за очекување е дека ќе ја продолжи серијата и дома против Младост УГД. Наковски волеј е безбеден на второто место без оглед на резултатот од гостувањето кај Фит фан, а меѓу првите четири се и Јанта волеј и Работнички Скопје, финалистите од минатата сезона.
Од аспект на пласманот, најголемото дерби викендов е во Втората лига кај дамите затоа што ќе сервираат Газели волеј и Бами Кор, два од трите тима со биланс 6-1. Третиот е Пелистер волеј кој е прв поради поголем број бодови, а под услов да ја потврди фаворитската ролја против Форца волеј Ема, ќе остане на врвот на табелата на коло до половина од натпреварувањето.
Прва лига (мажи), 10-то коло
Сушево – Струмица 47&72 (денеска, 16.00)
Лирија – Јанта волеј (сабота, 18.00)
Вардар – Универзитет во Тетово (сабота, 12.00)
Весна Пробиштип – ГОК Борец (сабота, 18.30)
Штип УГД – Шкендија (понеделник, МРТ-3, 18.00)
Македонија Џио – Работнички 71&22 (среда, 19.30)
Табела: Струмица 9-0, Штип УГД 7-2, Лирија 7-2, Работнички 6-3, Весна Пробиштип 6-3, Шкендија 5-4, Универзитет во Тетово 5-4, ГОК Борец 4-5, Сушево 2-7, Јанта волеј 2-7, Вардар 1-8, Македонија Џио 0-9.
Прва лига (жени), 12-то коло
Вардар ЕМ – Работнички Скопје (денеска, 15.00)
Фит фан волеј – Наковски волеј (сабота, 16.00)
Струмица жени – Младост УГД (сабота, 10.00)
Јанта волеј – Вардар жени (сабота, 20.00)
Табела: Струмица жени 11-0, Наковски волеј 9-2, Јанта волеј 8-3, Работнички Скопје 6-5, Фит фан волеј 4-7, Младост УГД 4-7, Вардар ЕМ 2-9, Вардар жени 0-11.
Втора лига (жени), 8-мо коло
Пелистер волеј – Форца волеј Ема (сабота, 16.00)
Газели волеј – Бами Кор (сабота, 19.00)
Ускана – Куманово (сабота, 13.00)
Универзитет во Тетово – Виктори волеј (сабота, 16.00)
Фламинго волеј – Македонија Макс (сабота, 12.00)
Табела: Пелистер волеј 6-1, Бами Кор 6-1, Газели волеј 6-1, Ускана 5-2, Фламинго волеј 4-3, Виктори волеј 3-4, Форца волеј Ема 3-4, Македонија Макс 1-6, Куманово 1-6, Универзитет во Тетово 0-7.
