Претстојниот викенд во македонскиот одбојкарски шампионат содржи натпревари коишто на харија можат да го носат епитетот дерби, а некои од нив се тоа и во својата суштина. Токму затоа одбојкарскиот понеделник на МРТ ќе биде со двојна програма. Кај дамите Младост УГД ќе го предизвика тимот на Струмица жени којшто заедно со Наковски волеј има максимален биланс досега. Штипјанки се на половичен ефект, но без разлика што се повратнички во Првата лига, веќе покажаа дека имаат амбиции да ги уриваат плановите на екипите од водечката четворка.
Кај мажите во најава е тесна трка за првите шест позиции за пласман во елитниот натпреварувачки сегмент напролет. Оттука, сите пресметки од 4-то коло имаат влијание, а поширокиот врв ќе го формира соочувањето на Штип УГД и на Лирија. Домаќинот има еден, а составот од Жеровјане ниту еден пораз, па нивниот дуел ќе оди на МРТ-3 како втор дел од двојниот пренос од Штип во којшто влегува и мечот меѓу одбојкарките на Младост УГД и на Струмица жени.
Битка за врвот ќе има и во второлигашкото друштво кај одбојкарките. Во Битола ќе се соочат Палистер волеј и Газели волеј, два ривала со остварување 3-0 на претходните средби. Тоа е шанса за Бами Кор да го задржи првото место, а за Ускана да се изедначи со билансот на поразениот тим од дербито во Битола.
Прва лига (мажи) – 4.коло
Македонија Џио – Универзитет во Тетово (денеска, 19.30)
Шкендија – Струмица 47&72 (сабота, 16.00)
Работнички 71&22 – Сушево (сабота, 14.00)
Весна Пробиштип – Јанта волеј (сабота, 14.00)
ГОК Борец – Вардар (сабота, 19.00)
Штип УГД – Лирија (понеделник, 20.00, МРТ-3)
Табела: Струмица 47&72 3-0, Лирија 3-0, Штип УГД 2-1, Шкендија 2-1, Универзитет во Тетово 2-1, Работнички 71&22 1-2, Сушево 1-2, Јанта волеј 1-2, ГОК Борец 1-2, Вардар 1-2, Весна Пробиштип 1-2, Македонија Џио 0-3.
Прва лига (жени) – 5.коло
Наковски волеј – Фит фан волеј (сабота, 18.00)
Вардар жени – Јанта волеј (сабота, 18.00)
Работнички Скопје – Вардар ЕМ (сабота, 19.00)
Младост УГД – Струмица жени (понеделник, 17.30, МРТ-3)
Табела: Наковски волеј 4-0, Струмица жени 4-0, Работнички Скопје 2-2, Јанта волеј 2-2, Младост УГД 2-2, Фит фан волеј 1-3, Вардар ЕМ 1-3, Вардар жени 0-4.
Втора лига (жени) – 4.коло
Македонија Макс – Бами Кор (сабота, 17.00)
Пелистер волеј – Газели волеј (сабота, 16.00)
Ускана – Универзитет во Тетово (сабота, 13.00)
Фламинго волеј – Куманово (сабота, 12.00)
Форца волеј Ема – Виктори волеј (сабота, 15.00)
Табела: Бами Кор 3-0, Пелистер волеј 3-0, Газели волеј 3-0, Ускана 2-1, Виктори волеј 1-2, Македонија Макс 1-2, Форца волеј Ема 1-2, Фламинго волеј 1-2, Универзитет во Тетово 0-3, Куманово 0-3.
