Соочувањето меѓу последните два првака во женска одбојкарска конкуренција кај нас го заслужува епитетот дерби на второто коло во сениорските лиги. На барање на Македонската телевизија натпреварот меѓу Јанта волеј и Работнички Скопје е закажан за понеделник, а преносот од него ќе биде на третиот програмски сервис.
За максимален ефект досега ќе играат и екипите на Наковски волеј и на Струмица жени, а кај мажите ќе има еден меч помалку од вообичаеното поради настапот на освојувачот на двојната круна Струмица 47&72 во квалификациите на Лигата на шампионите. Македонскиот првак учествува на турнир во Бугарија, па поради тоа гостувањето кај Весна Пробиштип ќе биде во некој друг термин.
Во страндардната викенд понуда со вкупно 14 средби влегуваат и оние во Втората лига кај дамите. Таму веќе заврши еден натпревар, а по него Газели волеј имаат биланс 2-0. Во ова коло славеа над Форца волеј Ема со 3:0.
Прва лига (мажи) – 2.коло
Јанта волеј – Универзитет во Тетово (сабота, 17.00)
Шкендија – Вардар (сабота, 16.00)
Македонија Џио – Сушево (сабота, 19.00)
ГОК Борец – Лирија (сабота, 17.30)
Работнички 71&22 – Штип УГД (сабота, 20.00)
Весна Пробиштип – Струмица 47&72 (ОДЛОЖЕН)
Табела: Лирија 1-0, Струмица 1-0, Јанта волеј 1-0, Штип УГД 1-0, Шкендија 1-0, Весна Пробиштип 1-0, Работнички 0-1, Сушево 0-1, ГОК Борец 0-1, Вардар 0-1, Универзитет во Тетово 0-1, Македонија Џио 0-1.
Прва лига (жени) – 2.коло
Наковски волеј – Младост УГД (петок, 20.00)
Вардар ЕМ – Струмица жени (сабота, 12.00)
Фит фан волеј – Вардар жени (сабота, 14.00)
Јанта волеј – Работнички Скопје (понеделник, 20.00, МРТ-3)
Табела: Наковски волеј 1-0, Јанта волеј 1-0, Струмица жени 1-0, Работнички Скопје 1-0, Младост УГД 0-1, Фит фан волеј 0-1, Вардар ЕМ 0-1, Вардар жени 0-1.
Втора лига (жени) – 2.коло
Форца волеј Ема – Газели волеј 0:3 (11:25, 9:25, 22:25)
Фламинго волеј – Виктори волеј (сабота, 12.00)
Куманово – Бами Кор (сабота, 13.30)
Македонија Макс – Универзитет во Тетово (сабота, 16.00)
Пелистер – Ускана (сабота, 16.00)
Табела: Газели волеј 2-0, Ускана 1-0, Пелистер волеј 1-0, Бами Кор 1-0, Форца волеј Ема 1-1, Универзитет во Тетово 0-1, Виктори волеј 0-1, Куманово 0-1, Фламинго волеј 0-1, Македонија Макс 0-1.
