Од Европското првенство 2023 како најголем настан во историјата на независна Македонија остануваат само сеќавања, вчечатоци и чувства. Време е за клупска одбојка кај нас, со учество на 30 екипи во сениорските конкуренции во 32-та првенствена сезона.
Кај мажите, апсолутен фаворит повторно е десеткратниот шампион Струмица 47&72, а за разлика од лани, на одбојкарската мапа ќе се врати Вардар на местото на Петровец. Во ова друштво ќе биде и Јанта волеј, така што поради бројот на тимовите, во есенскиот дел ќе има само еден круг со по 11 натпревари за секој состав.
Првата лига кај дамите повторно ќе биде резултатски поизедначена, Работнички Скопје ќе ја брани двојната круна од претходната сезона, а што се однесува до врвот, Јанта волеј, Наковски волеј и Струмица жени ќе се обидат да го променат изгледот на табелата. Одбојкарките ќе одиграат двокружно во првиот сегмент, а четирите најдобри потоа ќе одат во Првата фаза-1 во пролетниот дел во којшто кај одбојкарите ќе има шест екипи.
Нема промени и во натпреварувањето во второлигашки рамки во женска конкуренција. Ќе учествуваат 10 тима, ќе има 18 кола, а првопласираниот ќе оди во повисок ранг следната сезона, додека, пак, второпласираниот ќе игра бараж со седмиот состав од Првата лига.
Викендов сите натпревари се закажани за утре, сабота, 21-ви октомври.
Прва лига (мажи) – 1.коло
Универзитет во Тетово – Струмица 47&72 (сабота, 19.30)
Штип УГД – ГОК Борец (сабота, 15.00)
Сушево – Шкендија (сабота, 20.00)
Вардар – Јанта волеј (сабота, 15.00)
Лирија – Македонија Џио (сабота, 19.30)
Работнички 71&22 – Весна Пробиштип (сабота, 20.00)
Прва лига (жени) – 1.коло
Младост УГД – Работнички Скопје (сабота, 18.00)
Вардар ЕМ – Јанта волеј (сабота, 17.00)
Вардар жени – Наковски волеј (сабота, 14.00)
Струмица жени – Фит фан волеј (сабота, 19.30)
Втора лига (жени) – 1.коло
Пелистер волеј – Фламинго волеј (сабота, 14.00)
Ускана – Македонија Макс (сабота, 13.30)
Универзитет во Тетово – Форца волеј Ема (сабота, 17.00)
Газели волеј – Куманово (сабота, 18.30)
Бами Кор – Виктори волеј (сабота, 17.00)
