Во богатото спортско лето со учество на двете сениорски репрезентации во Европската лига на ЦЕВ, токму во периодот до почеток на погодовките на македонските одбојкари за настапот на Еврпското првенство, сцената ќе биде за нашата одбојкарска младина. Националниот состав за одбојкари до 17 години (момчиња родени во 2007-ма година или помлади) ќе игра на Балканското првенство во Тирана од 5-ти до 9-ти јули.
За оваа акција селекторот Ванче Санев повика 18-мина играчи од шест клубови. Најмногу, петмина се од првакот во оваа категорија Струмица Никоб, четворица од Штип УГД, по тројца се од Весна Пробиштип и од Работнички 47&22, двајца од ГОК Борец и еден од екипата на Сушево.
Подготовките ќе почнат на 21-ви овој месец во Штип, а на Балканијадата во Тирана ќе играме во групата „А“ со домаќинот Албанија, со Турција и со Србија. Во групата „Бе“ ќе настапат Бугарија, Романија и Црна Гора.
