Позитивната серија на Македонија во Европската лига е запрена во Глифада, откако попладнево Грција славеше со 3:0 (25:19, 25:20, 25:23) и ни го нанесе вториот пораз во четвртиот натпревар во годинешното издание.
Со исклучок на првиот сет во кој противникот уште во раната фаза наметна темпо на игра и го контролираше резултатот, во останатите два сета нашите одбојкарки понудија квалитетен отпор.
Во вториот сет бевме во игра до 18:18, но Грците беа поконкретни во финишот, особено во играта на мрежата и поведоа со 2:0.
Во третиот сет Македонија имаше и водство (9:6, 10:7) но домаќинот се избори за пресврт 13:15 и таквата предност ја задржа до самиот крај за максимална победа.
Никола Ѓоргиев со 11 поени и Филип Савовски со 10 поени беа најефикасни, додека Лука Костиќ и Стојан Илиев реализираа по седум поени.
Репрезентацијата вечерва се враќа во базата во Скопје, каде ќе ги продолжи подготовките за последниот турнир, следниот викенд на Косово.
