Претседателот на Судиската комисија на Европската одбојкарска конфедерација, Артуро Ди Џакомо ќе биде предавач на Редовниот годишен семинар на Судиската организација при Одбојкарската федерација на Македонија, во пресрет на новата натпреварувачка сезона 2026/2027.
Првично Семинарот беше закажан за 3 и 4 октомври во Велес, но позитивниот одговор на поканата за учество на Ди Џакомо е причината за промена во агендата, односно семинарот ќе биде еднодневен и на 3 октомври ќе се одржи во хотелот „Холидеј Ин“ во Скопје.
Артуро Ди Џакомо ќе зборува на три теми: Нов официјален протокол за натпреварување, Нови официјални правила на одбојката, како и Непречено и ефикасно судење во модерната одбојка.
СО при ОФМ, испрати отворена покана до тренерите во клубовите од Лигите на ОФМ да земат учество во што поголем број на предавањето за втората тема – Нови официјални правила на одбојката, за да се расчистат сите нејасности и дилеми во пресрет на новата сезона.
Покрај предавањата семинарот ќе биде заокружен и со редовното годишно тестирање на судиите и дилегатите во пресрет на новата сезона.
Воедно ПСО на СО при ОФМ информира дека отворениот повик за нови судии останува активен до 27 септември (недела), а заинтересираните може да аплицираат на следниот линк https://forms.gle/dsZnFAkQQjPp7w1T8
