Два сета на разлика и еден со значителна предност на шампионките. Работнички Скопје победнички ја почна финалната серија за првенствениот пехар против Струмица жени користејќи го отсуството на повредената Елена Пандева од составот на претендентот на тронот. Денешниот натпревар ќе биде прв во главниот град, а по него екипата на Струмица жени ќе израмни и ќе ја врати предноста на домашниот терен, или, пак, Работнички Скопје ќе се доближи на само еден триумф до одбрана на титулата.
Натпреварот во малата сала на арената „Борис Трајковски“ е закажан за 18 часот, а МРТ ќе емитува снимка на третиот канал со почеток во 23.00.
Финале (жени) – до три добиени натпревари
Струмица жени – Работнички Скопје 0:3 (24:26, 23:25, 17:25)
Работнички Скопје – Струмица жени (среда 17.04.2024)
Струмица жени – Работнички Скопје (сабота 20.04.2024)
Работнички Скопје – Струмица жени (вторник 23.04.2024)
Струмица жени – Работнички Скопје (петок 26.04.2024)
