Штип УГД го брани третото, Универзитет во Тетово го напаѓа второто, Наковски волеј и Работнички Скопје ќе играат за подобра почетна позиција во разигрувањето за титулата, Ускана и Газели волеј се надмудруваат за директен влез во прволигашкото друштво. Тоа е сижето на претстојните натпревари од македонските одбојкарски шампионати, последни пред завршниот турнир од купот закажан од 21-ви до 24-ти овој месец во Штип.
Работнички 47&72 кај Универзитет во Тетово ќе се обиде да ја запечати втората позиција во полуфиналето на две кола до крајот на основниот сегмент. Лирија гостува кај шампионот, па не може да напредува, а Штип УГД посакува победа во локалното дерби со Весна Пробиштип за да влезе во куп-завршницата на домашен терен со поголема самодоверба.
Кај дамите, Струмица жени е сигурно прва, а Јанта волеј втор, така што нивниот дуел ќе нема влијание на формирање на полуфиналните двојки. Затоа пак, пресметката на Наковски волеј и на Работнички Скопје, со пренос на МТВ-3 в понеделник од 19 часот, решава директно за третото место затоа што двете екипи имаат биланс 10-8. Ускана и натаму има контрола во втората лига поради трите бода предност пред Газели волеј. Најдобриот тим во оваа конкуренција ќе влезе во елитното друштво, а вториот ќе игра бараж со Вардар ЕМ за билет за највисокиот ранг следната сезона.
Прва лига (мажи), Втора фаза-1, 8-мо коло
Струмица 47&72 – Лирија (сабота, 13.00)
Весна Пробиштип – Штип УГД (сабота, 14.00)
Универзитет во Тетово – Работнички 71&22 (сабота, 20.15)
Табела: Струмица 18-0, Работнички 14-4, Штип УГД 12-6, Универзитет во Тетово 11-7, Лирија 10-8, Весна Пробиштип 7-11.
Прва лига (мажи), Втора фаза-2, 8-мо коло
Шкендија – Сушево (сабота, 20.15)
Македонија Џио – ГОК Борец (сабота, 16.00)
Вардар – Јанта волеј (сабота, 20.00)
Табела: Шкендија 10-8, ГОК Борец 10-8, Сушево 8-10, Јанта волеј 4-14, Македонија Џио 2-16, Вардар 2-16.
Прва лига (жени), Втора фаза-1, 5-то коло
Јанта волеј – Струмица жени (сабота, 20.30)
Наковски волеј – Работнички Скопје (понеделник, 19.00, МРТ-3)
Табела: Струмица жени 17-1, Јанта волеј 13-5, Работнички Скопје 10-8, Наковски волеј 10-8.
Прва лига (жени), Втора фаза-2, 5-то коло
Младост УГД – Фит фан волеј (сабота, 16.00)
Вардар ЕМ – Вардар жени (сабота, 14.00)
Табела: Фит фан волеј 10-8, Младост УГД 8-10, Вардар ЕМ 4-14, Вардар жени 0-18.
Втора лига (жени), 16-то коло
Ускана – Виктори волеј (сабота, 13.00)
Фламинго волеј – Газели волеј (сабота, 11.00)
Универзитет во Тетово – Бами Кор (сабота, 20.00)
Пелистер волеј – Куманово (сабота, 16.00)
Македонија Макс – Форца волеј Ема (недела, 14.00)
Табела: Ускана 13-2, Газели волеј 13-2, Бами Кор 12-3, Пелистер волеј 11-4, Виктори волеј 8-7, Фламинго волеј 7-8, Форца волеј Ема 6-9, Македонија Макс 2-13, Куманово 2-13, Универзитет во Тетово 1-14.
