Откако беше решено и последното нејасно прашање околу екипите коишто ќе учествуваат во елитниот сегмент напролет, таканаречената Втора фаза-1, преостанатите натпревари во најквалитетните македонски одбојкарски конкуренции ќе решаваат за подобра почетна позиција. Оттука, Работнички 71&22 на утрешното гостување кај Македонија Џио ќе сервира за да остане во рамноправна трка со Весна Пробиштип за четвртото место на табелата по есенскиот дел. Претходно, во 10-то коло од Првата лига (мажи), Струмица 47&72 очекувано го продолжи максималниот биланс, Штип УГД ја потисна Лирија од втората позиција, а со триумфот над Шкендија му оневозможи на тетовскиот тим да биде меѓу првите шест. Во тоа друштво ќе се најде Универзитет во Тетово без оглед на резултатите од последното коло во овој дел од сезоната.
Се е јасно и кај дамите во пресрет на 13-та, претпоследна рунда есенва. Струмица жени е доминантна без пораз досега, Наковски волеј и Јанта волеј се во битка за второто место, а четврта екипа за Втората фаза-1, со тоа и за полуфиналето во разигрувањето е Работнички Скопје. Другите ќе играат за пласман од петтото до осмото место во конечното рангирање за сезоната 2023/24.
Прва лига (мажи), 10-то коло
Македонија Џио – Работнички 71&22 (среда, 19.30)
Табела: Струмица 10-0, Штип УГД 8-2, Лирија 8-2, Весна Пробиштип 7-3, Работнички 6-3, Универзитет во Тетово 6-4, Шкендија 5-5, ГОК Борец 4-6, Сушево 2-8, Јанта волеј 2-8, Вардар 1-9, Македонија Џио 0-9.
Прва лига (жени), 13-то коло
Работнички Скопје – Струмица жени (среда, 16.30)
Младост УГД – Вардар жени (среда, 19.00)
Наковски волеј – Вардар ЕМ (понеделник, 20.00)
Фит фан волеј – Јанта волеј (20-ти декември, 20.00)
Табела: Струмица жени 12-0, Наковски волеј 9-3, Јанта волеј 9-3, Работнички Скопје 7-5, Фит фан волеј 5-7, Младост УГД 4-8, Вардар ЕМ 2-10, Вардар жени 0-12.
