Според досегашниот тек на сезоната кај одбојкарите, три екипи веќе можат да го планираат настапот во шампионскиот сегмент во пролетниот дел од сезоната. Струмица 47&72, Штип УГД и Лирија го формираа водечкото трио, а се чини дека пет ќе конкурираат за преостанатите позиции за таканаречената Втора фаза-1. На калкулациите во овој контекст ќе влијаат натпреварите Лирија-Универзитет во Тетово и ГОК Борец-Шкендија затоа што се очекува Весна Пробиштип и Работнички 47&72 да ја потврдат фаворитската улога против Македонија Џио, односно против Јанта волеј, во осмото коло од Првата лига.
Во најсилното друштво кај дамите, уште пред почетокот на сезоната беше јасно кои тимови ќе бидат дел од трката за титулата, па соочувањата од есенскиот дел се одредување на почетните места за Втората фаза-1, а со тоа и за полуфиналето во разигрувањето. Десеттото коло почна со победа на Вардар ЕМ над Вардар жени, а во него ќе има две пресметки на членовите на водечкиот квартет.
Прва лига (мажи), 8-мо коло
Лирија – Универзитет во Тетово (среда, 20.00)
ГОК Борец – Шкендија (среда, 17.00)
Сушево – Вардар (среда, 20.00)
Весна Пробиштип – Македонија Џио (среда, 19.00)
Работнички 71&22 – Јанта волеј (петок, 20.30)
Штип УГД – Струмица 47&72 (6-ти декември, 19.00)
Табела: Струмица 7-0, Штип УГД 6-1, Лирија 6-1, Универзитет во Тетово 4-3, Весна Пробиштип 4-3, Работнички 4-3, Шкендија 4-3, ГОК Борец 3-4, Јанта волеј 2-5, Сушево 1-6, Вардар 1-6, Македонија Џио 0-7.
Прва лига (жени), 10-то коло
Вардар ЕМ – Вардар жени 3:0 (25:18, 25:18, 25:15)
Наковски волеј – Работнички Скопје (среда, 20.00)
Фит фан волеј – Младост УГД (четврток, 20.00)
Јанта волеј – Струмица жени (6-ти декември)
Табела: Струмица жени 9-0, Наковски волеј 8-1, Јанта волеј 7-2, Работнички Скопје 5-4, Фит фан волеј 3-6, Младост УГД 3-6, Вардар ЕМ 2-8, Вардар жени 0-10.
