Иако сезоната е се уште во почетна фаза, одбојкарите уште отсега играат важни натпревари во заземањето позиции за пласман во првата половина од табелата, а со тоа за учество во шампионскиот лигашки сегмент напролет. Од резултатски аспект, Лирија, Шкендија и Струмица 47&22 влегоа најдобро во сезоната, а дури шест екипи остварија половичен биланс, па на харија ќе има неколку средби со епитет дерби иако јасно е дека единствено доминантен тим е актуелниот шампион Струмица 47&72. Во двојната програма под Шара, во градската пресметка, Шкендија ќе се обиде да го задржи максималниот биланс против Универзитет, а Лирија ќе го пречека составот на Работнички 71&22, додека, пак, локално соочување ќе имаат и Штип УГД и Весна Пробиштип.
Кај дамите, Струмица жени е фаворит против Вардар жени да ја оствари четвртата победа во четвртиот настап, а Наковски волеј кој исто така досега не загуби натпревар, ќе има потешка обврска, а тоа е да игра на теренот на Јанта волеј. Ланскиот финалист го доби дербито во своја сала против првенките од Работнички Скопје, а доколку го повтори тој успех, ќе се изедначи со денешните ривалки.
Во одбојкарската сабота влегуваат и петте натпревари од Втората лига кај дамите. Три екипи ќе го бранат стопроцентниот ефект, Бами Кор против Форца волеј Ема, Газели волеј против Македонија Макс, а Пелистер волеј кај Универзитет во Тетово.
Прва лига (мажи) – 3.коло
Штип УГД – Весна Пробиштип (сабота, 18.00)
Лирија – Работнички 71&22 (сабота, 19.30)
Универзитет во Тетово – Шкендија (сабота, 19.30)
Струмица 47&72 – Јанта волеј (сабота, 13.00)
Сушево – ГОК Борец (сабота, 18.30)
Вардар – Македонија Џио (сабота, 13.00)
Табела: Лирија 2-0, Шкендија 2-0, Струмица 47&22 2-0, Работнички 71&22 1-1, Штип УГД 1-1, Сушево 1-1, Јанта волеј 1-1, Универзитет во Тетово 1-1, Весна Пробиштип 1-1, ГОК Борец 0-2, Македонија Џио 0-2, Вардар 0-2.
Прва лига (жени) – 4.коло
Јанта волеј – Наковски волеј (сабота, 14.00)
Струмица жени – Вардар жени (сабота, 19.30)
Фит фан волеј – Работнички Скопје (сабота, 15.00)
Вардар ЕМ – Младост УГД (сабота, 16.30)
Табела: Наковски волеј 3-0, Струмица жени 3-0, Јанта волеј 2-1, Работнички Скопје 1-2, Фит фан волеј 1-2, Вардар ЕМ 1-2, Младост УГД 1-2, Вардар жени 0-3.
Втора лига (жени) – 3.коло
Ускана – Фламинго волеј (сабота, 13.00)
Универзитет во Тетово – Пелистер волеј (сабота, 17.00)
Газели волеј – Македонија Макс (сабота, 19.30)
Бами Кор – Форца волеј Ема (сабота, 17.00)
Виктори волеј – Куманово (сабота, 16.00)
Табела: Бами Кор 2-0, Газели волеј 2-0, Пелистер волеј 2-0, Ускана 1-1, Македонија Макс 1-1, Форца волеј Ема 1-1, Фламинго волеј 1-1, Виктори волеј 0-2, Универзитет во Тетово 0-2, Куманово 0-2.
