Претседателот на Одбојкарската федерација на Македонија, Петар Јовановски и генералниот секретар Филип Деспотовски се дел од 47. Генерално Собрание на Европската одбојкарска конференција (ЦЕВ) кое се одржува во Милано.
Претседателот Јовановски, како член, учествуваше на состанок на Бордот на ЦЕВ, а челниците на ОФМ попладнево ќе имаат и состанок во рамките на Зонската асоцијација – Балканската одбојкарска асоцијација (БВА).
Првите луѓе на Федерацијата ќе имаат и работни состаноци со дел од претставниците на другите Федерации, а ќе присуствуваат и на полуфиналните и финалните натпревари од Европското првенство во машка конкуренција кои се играат во Милано.
