Сите пет натпревари во рамките од 12. коло од Втората женска лига, со кое се отвора пролетниот дел од сезоната во ова национално натпреварување на програмата се денеска.
На две локации во Скопје, спортскиот центар „Форца“, односно салата на основното училиште „Невена Георгиевска – Дуња“ ќе имаме двојна програма. Јанта Волеј Бутел и Македонија Макс „резервираа“ утрински дуел во „Дуња“, од 10:30 часот, додека по нив се игра мечот меѓу Фламинго Волеј и уште една струмичка екипа – Виктори Волеј. Лидерот на табелата, Газели Волеј во 15:30 го пречекува Куманово во првата средба во СЦ „Форца“, додека по нив ќе се игра натпреварот меѓу Вардар жени и Форца Волеј ЕМА. Единствен меч кој се игра надвор од Скопје денеска е оној меѓу Пелистер Волеј и Универзитет во Тетово, во Битола.
Според пропозициите клубовите од Втората женска лига во пролетниот дел ќе одиграат десет кола, по чие комплетирање се добива табела со генерален пласман. Првата и второ пласирана екипа на табелата обезбедуваат директно место во Првата лига – жени во следната сезона, додека трето и четврто пласираната екипа ќе играат бараж, во два добиени натпревари (дома – гости) за влез во Првата лига со тимовите кои ќе завршат на седмото и осмото место на табелата во Првата лига.
ВТОРА ЛИГА ЖЕНИ, РАСПОРЕД 12. КОЛО:
САБОТА (01.02.2025)
Јанта Волеј Бутел – Македонија Макс 10:30ч.
Фламинго Волеј – Виктори Волеј 13:00ч.
Пелистер Волеј – Универзитет во Тетово 15:00ч.
Газели Волеј – Куманово 15:30ч.
Вардар жени – Форца Волеј ЕМА 18:30ч.
Бами Кор – слободен
