Македонските одбојкари целосно ја потврдија фаворитската улога на гостувањето кај Грузија во првиот натпревар од квалификациите за следниот континентален собир. Во Тбилиси, составот на селекторот Хари Наковски славеше со 3:0 (25:12, 25:14, 25:18), освои максимални три бода без да загуби сет, а оствари и одличен поен-количник којшто може да биде значаен во битката за пласман на четвртото европско првенство по ред за нас.
Александар Љафтов беше најефикасен во македонската репрезентација со 14 поени, капитенот Никола Ѓорѓиев освои 12, а двоцифрен беше и Филип Савовски со 11. Владо Милев заврши со 8, Филип Маџунков со 7, а Ѓорѓи Ѓорѓиев запиша 2 поена. Во колективната статистика сите бројки беа на страна на нашиот тим.
Следниот квалификациски натпревар ќе го одиграме со Грција на 25-ти во Скопје. Со победа ќе биде јасно дека Македонија ќе игра и на следниот шампионат на најдобрите европски репрезентации.
Напред МАКЕДОНИЈА!
https://www-old.cev.eu/Competition-Area/MatchStatistics.aspx?ID=72724
