Македонската кадетска репрезентација оствари една победа и претрпе два пораза на Балканијадата во Тирана со што заврши на третото место во конечното рангирање. Избраниците на селекторот Ванче Санев (одбојкари родени 2007-ма и помлади) на почетокот на турнирот во Тирана ја совладаа домашната репрезентација на Албанија со 3:1, а потоа загубија во три сета од Србија и од Црна Гора. На тој начин, Македонија беше бронзена во конкуренција на четири национални тимови, пред Албанија, а зад освојувачот Србија и второпласираната Црна Гора.
Македонски претставник на турнирот во Тирана беше и судијата Александар Ричлиев.
Балканско првенство 2024 (одбојкари до 18 години) – Тирана
1.коло (среда, 03.07.2024)
Црна Гора – Србија 0:3 (14:25, 16:25, 12:25)
Албанија – МАКЕДОНИЈА 1:3 (20:25, 25:23, 19:25, 23:25)
2.коло (четврток, 04.07.2024)
МАКЕДОНИЈА – Србија 0:3 (14:25, 17:25, 19:25)
Албанија – Црна Гора 0:3 (21:25, 11:25, 13:25)
3.коло (петок, 05.07.2024)
Црна Гора – МАКЕДОНИЈА 3:0 (26:24, 25:17, 25:18)
Србија – Албанија 3:0 (25:20, 25:12, 25:14)
