44 денови подготовки, тренизни во два града и во три сали, 11 контролни натпревари. Тоа е кратката содржина на работниот период за македонските одбојкари во пресрет на Европското првенство чијшто коорганизатор ќе бидеме кон крајот на август и на почетокот на септември.
Селекторот Јошко Миленкоски повика 19 одбојкари за тренажниот процес пред континенталниот собир. Репрезентацијата ќе тренира во салата „Јане Сандански“ во Скопје до 9-ти август, потоа ќе оди во Кавадарци, па ќе се врати во главниот град за завршните тестови пред третиот настап на европските првенства. Првите контроли ќе бидат со Романија од четврти до шести август во „Јане Сандански“, а потоа националниот состав ќе се префрли во „Јасмин“ за заедничка работа со Израел и со Јапонија. Со Израелците, коишто исто така се коорганизатори на европскиот шампионат, ќе одиграме две средби, а тие со Јапонија една, исто како и Македонија, што значи дека во Кавадарци ќе има четири меча во период од четири дена пред македонските одбојкари да се вратат во Скопје. Црвено-жолтите ќе одиграат уште два натпревара со јапонија во „Борис Трајковски“, а потоа дополнително уште еден од 18-ти до 20-ти наредниот месец на традиционалниот меморијален турнир „Чајка“. Тогаш ќе ја провериме формата и со Грција и со Египет, а потоа Миленкоски ќе може да го освежува тимот и да бара завршна глазура на тренинзите до првиот настап на третото европско по ред за нас.
Во групата во Скопје ќе играме со Данска на 30-ти август, со Црна Гора на 2-ти септемвмри, со Полска на трети, со Холандија на петти и со Чешка на шести, со нескриена амбиција првпат да се пласираме во осминафиналето. Во него ќе бидат по четитри од шесте селекции во групите во Македонија, во Израел, во Италија и во Бугарија, што значи дека за нас целта би требало да биде остварена со триумфи над Данска и над Црна Гора. На хартија тоа делува реално, но треба да се одработи на терен, а и на трибините.затоа што учестово на евро-собирот на домашен терен е голема предност само доколку публиката ја исполни арената и им даде дополнителна енергија на македонските одбојкари.
Затоа купете билети на: https://tickets.cev.eu/cev-eurovolley-2023-men и навивајте за Македонија!
