Периодот во Маврово заврши и за македонската женска сениорска репрезентација. Одбојкарките од денеска се во Крушево каде што ќе продолжат да работат на создавање игра за подобар впечаток отколку во ланската Европска сребрена лига. Сега пред нив е нов предизвик, а тоа се квалификации за ЕП 2026. На 17-ти ќе ја пречекаат Австрија, а на 28-ми ќе и гостуваат на Грција. Дотогаш очекуваат контроли за проверка на формата.