48-то издание на меморијалниот турнир “Бранко Хаџииљоски Чајка” ќе биде последен тест за македонските одбојкари пред квалификациите за ЕП 2026. Денеска во салата “Парк” во Струмица од 19 часот, Македонија ќе игра со Косово, а в сабота во истиот термин со Израел. Утре силите ќе ги одмерат гостите на традиционалниот турнир. Нашиот примач Владо Милев верува дека има елементи што може да ги поправиме до натпреварите со Грузија на 17-ти во Тбилиси и со Грција на 25-ти во Скопје. А шанса за корекција и за напредок е токму турнирот “Чајка”.