Селекторот на машкиот национален тим на Македонија, Јошко Миленкоски денеска го слави својот 66. роденден.
Прославата ќе почека, приоритет е попладневниот натпревар (15 часот по македонско време) во кој ќе го предводи националниот тим против Украина во второто коло од групната фаза на ЕвроВолеј 2026 во Софија.
Ова ќе биде првпат стратегот на неговиот роденден да има натпревар на ЕвроВолеј.
Миленкоски заедно со селекторот на Украина, Раул Лозано (70 години) се двајцата највозрасни тренери на годинешното издание на Европското првенство.
За македонскиот селектор ова е трет ЕвроВолеј. Вторпат по 2023 година како предводник на Македонија. Претходно на ЕП 2017 тој беше селектор на Турција.
