Машката репрезентација на Италија е ново-стар светски одбојкарски првак откако во финалето на Светското првенство 2025 кое се играше во Манила, на Филипините со 3:1 (25:21, 25:17, 17:25, 25:10) ја совлада селекцијата на Бугарија.
За Италијанците ова е втора шампионска титула во низа, или петта во историјата, во нивното шестто финале на мундијалите.
Италија и Бугарија понудија одличен меч за круната, во кое „аѕурите“ ги предводеа фантастичните Романо (22 поени) и Ботоло (19 поени). Бугарите бркаа историја предводени од Александар Николов (23 поени), со оглед на тоа дека ова беше прво СП финале по 55 години, но единствено во третиот сет најдоа решение за играта на бранителот на титулата.
Како увертира на финалето беше мечот за третото место во кое Полска со 3:1 (25:18, 23:25, 25:22, 25:21) ја совлада Чешка и го освои бронзениот медал.
За првпат во историјата на Светското првенство четири европски репрезентации се бореа за медалите, што е само најава за возбудувањата за Европското првенство 2026 на кое ќе учествува и машката репрезентација на Македонија.
СП 2025 МАЖИ
ФИНАЛЕ
БУГАРИЈА – ИТАЛИЈА 1:3 (21:25, 17:25, 25:17, 10:25)
МЕЧ ЗА 3. МЕСТО:
ЧЕШКА – ПОЛСКА 1:3 (18:25, 25:23, 22:25, 21:25)
ИДЕАЛЕН ТИМ:
НАЈДОБАР ТЕХНИЧАР: Гианели (ИТА)
НАЈДОБАР ПРИМАЧ: А. Николов (БУГ)
НАЈДОБАР ПРИМАЧ И МВП: Микелето (ИТА)
НАЈДОБАР ЛИБЕРО: Баласо (ИТА)
НАЈДОБАР СРЕДЕН БЛОКЕР: Грозданов (БУГ)
НАЈДОБАР СРЕДЕН БЛОКЕР: Кокановски (ПОЛ)
НАЈДОБАР КОРЕКТОР: Романо (ИТА)
