Екипите на ГОК Борец, Струмица 47&72, Работнички 71&22 и Сушево ќе бидат дел од Првата А лига во регуларниот дел од сезоната заедно со шампионот Штип УГД, откако успешно го минаа претколото.
ГОК Борец, Струмица 47&72 и Работнички 71&22 забележаа максимални победи и во реванш натпреварите со своите ривали Весна Пробиштип, Македонија Џио, односно Скопје и со 2-0 во победи се најдоа во А друштвото.
Сушево, пак, одново со 3:2 ја победи Лирија, во едно од најинтересните соочувања во претколото. По интензивниот дуел во пет сета пред една недела во Тетово, одново противниците преку тај-брејк го решија победникот. Сушево имаше предност од 2:0 во сетови, а Лирија успеја да се врати во мечот и да изедначи на 2:2. Во решавачкиот сет домаќинот беше поконцентриран во клучните моменти и дојде до втора победа која ја потврди и неговата А позиција.
Весна Пробиштип, Македонија Џио, Скопје, Лирија, како и Јанта Волеј мажи ќе се натпреваруваат во Првата Б лига во регуларниот дел од сезоната.
Последните учесници во А и Б лигата ќе бидат познати вечерва кога се игра реванш дуелот меѓу Универзитет во Тетово и Шкендија. Универзитет во Тетово со 3:0 славеше на првиот меч пред една недела, а во случај на изедначен резултат во победи (без разлика на сет количникот) победникот ќе го одлучи „златен сет“.
ПРВА ЛИГА МАЖИ
ПРЕДКОЛО, ВТОР НАТПРЕВАР
Штип УГД – Јанта Волеј мажи 3:0 (25:9, 25:7, 25:9)
ГОК Борец – Весна Пробиштип 3:0 (25:10, 25:10, 25:4)
Струмица 47&72 – Македонија Џио 3:0 (25:12, 25:11, 25:22)
Работнички 71&22 – Скопје 3:0 (25:20, 25:17, 25:23)
Сушево – Лирија 3:2 (25:22, 25:19, 21:25, 23:25, 15:13)
Универзитет во Тетово – Шкендија 22.10.2026
