Машката и женската репрезентација на Македонија до 18 години кои се подготвуваат за настап на Европските младински олимписки игри, кои од 20 до 26 јули ќе се одржат во Скопје, го добија и распоредот на противниците. Сите натпревари во двете конкуренции ќе се играат во салата „Борис Трајковски“ во Скопје, каде на два терени (големата и малата сала) во сите пет натпреварувачки дена ќе се играат по осум дуели дневно.
Од претходно беше познато дека Македонија и во двете конкуренции како домаќин е сместена во групата А. Кај момчињата Македонија е во друштво на Франција, Белгија и Словенија. Групната фаза ја отвораме против Франција на 21 јули во 18 часот. Во второто коло, ден подоцна, момчињата во истиот термин ја пречекуваат Словенија, додека во последното коло, повторно од 18 часот играат со Белгија.
Девојчињата, пак, во рамките од групната фаза прво ќе ги измерат силите со Италија, на 21 јули од 18 часот. Во второто коло, ден подоцна, во истиот термин, се среќаваат со Словенија, додека првата фаза од натпреварувањето ја затвораат со Турција (18 часот).
Првите две репрезентации во групите по завршувањето на групната фаза играат во полуфиналето, додека вторите две разигруваат за пласман. Според планот 24 јули (четврток) е слободен ден, додека на 25 јули се играат полуфиналните натпревари во двете конкуренции (голема сала), како и натпреварите за пласман (мала сала). Финален ден на одбојкарските терени е 26 јули, кога се играат дуелите за конечен пласман, како и за трето место и финалињата и кај девојките и кај момчињата.
Влезот во салата „Борис Трајковски“ за сите натпревари ќе биде слободен.
Машката и женската репрезентација на Македонија веќе десет дена во Скопје ја темпираат формата за настапот на ЕМОФ 2025.
ЕМОФ 2025, РАСПОРЕД МОМЧИЊА, ГРУПНА ФАЗА
ГРУПА А: МАКЕДОНИЈА, Франција, Белгија, Словенија
ГРУПА Б: Италија, Полска, Финска, Чешка
1.КОЛО (21.07.2025)
09:30ч. Словенија – Белгија (А)
12:00ч. Финска – Полска (Б)
15:30ч. Чешка – Италија (Б)
18:00ч. МАКЕДОНИЈА – Франција (А)
2. КОЛО (22.07.2025)
09:30ч. Финска – Чешка (Б)
12:00ч. Белгија – Франција (А)
15:30ч. Полска – Италија (Б)
18:00ч. Словенија – МАКЕДОНИЈА (А)
3. КОЛО (23.07.2025)
09:30ч. Полска – Чешка (Б)
12:00ч. Франција – Словенија (А)
15:30ч. Финска – Италија (Б)
18:00ч. Белгија – МАКЕДОНИЈА (А)
ЕМОФ 2025, РАСПОРЕД ДЕВОЈЧИЊА, ГРУПНА ФАЗА
ГРУПА А: МАКЕДОНИЈА, Турција, Словенија, Италија
ГРУПА Б: Германија, Полска, Унгарија, Хрватска
1.КОЛО (21.07.2025)
09:30ч. Словенија – Турција (А)
12:00ч. Унгарија – Полска (Б)
15:30ч. Хрватска – Германија (Б)
18:00ч. МАКЕДОНИЈА – Италија (А)
2. КОЛО (22.07.2025)
09:30ч. Унгарија – Хрватска (Б)
12:00ч. Турција – Италија (А)
15:30ч. Полска – Германија (Б)
18:00ч. Словенија – МАКЕДОНИЈА (А)
3. КОЛО (23.07.2025)
09:30ч. Полска – Хрватска (Б)
12:00ч. Италија – Словенија (А)
15:30ч. Германија – Унгарија (Б)
18:00ч. Турција – МАКЕДОНИЈА (А)
