Македонската женска кадетска репрезентација победнички го почна настапот на Бакналското првенство за одбојкарки до 18 години. На турнирот во Тирана, избраничките на селекторот Александар Митев се радуваа против домаќинот Албанија со 3:1 (25:23, 25:20, 24:26, 25:15). Ивана Милева беше најефикасна кај нас со 19 поени. Македонија денеска ќе сервира против Романија која вчера загуби од Бугарија, така што со нов триумф ќе го обезбеди второто место во групата, а со тоа и пласманот во полуфиналето.
Репрезентација на Македонија (кадетки):
Мартина Азманова (Наковски волеј), Викторија Трајкова (Наковски волеј), Ивана Милева (Наковски волеј), Матеа Сотировска (Газели волеј), Зофија Георгиевска (Газели волеј), Јована Каленикова (Газели волеј), Ева Ристовска (Бами Кор), Матеа Петровска (Бами Кор), Ирена Узунова (Бами Кор), Билјана Јаковлевска (Пелистер волеј), Лиле Лозановска (Пелистер волеј), Анастасија Ристевска (Пелистер волеј), Ана Ѓорѓиевска (Вардар ЕМ), Елена Трајковска (Вардар ЕМ), Симона Наковска (Јанта волеј), Ива Илиева (Јанта волеј), Стефанија Кипријановска (Младост УГД), Андротеа Милевска (Работнички Скопје).
Балканско првенство 2024 (одбојкарки до 18 години) – Тирана
1.коло (вторник, 18.06.2024)
Бугарија – Романија 3:0 (25:16, 26:24, 25:15)
Албанија – МАКЕДОНИЈА 1:3 (23:25, 20:25, 26:24, 16:25)
2.коло (среда, 19.06.2024)
15.30 МАКЕДОНИЈА – Романија
20.30 Албанија – Бугарија
3.коло (четврток, 20.06.2024)
15.30 МАКЕДОНИЈА – Бугарија
20.30 Романија – Албанија
