Првиот ден од 31-от финален турнир во одбојкарскиот куп на Македонија за сезоната 2023/24 му го донесе првото финале на екипата на Штип УГД која го совлада Работнички 71&22 со 3:0 (25:23, 25:20, 25:18). Штипјани го искористија домашниот терен, направија помалку грешки, го имаа расположениот коректор Стефан Алексов со 18 поени и го совладаа ривалот којшто е втор на табелата, една позиција пред нив.
Во второто полуфинале, бранителот на двојната круна, Струмица 47&72 славеше над Лирија со 3:0 (25:20, 25:14, 25:16) и е на чекор до десеттата куп-титула во последните 12 години. Од 2012-та досега, струмичаи не беа освојувачи на двојната круна само во 2013-та и во 2016-та.
Утре од 17 часот во салата „Јордан Мијалков“, во полуфиналето кај дамите, Струмица жени ќе сервира против составот на Рабитнички Скопје, којшто лани во Радовиш го крена престижниот пехар, исто како и во Кавадарци пред две години, а потоа од 20 часот двокартниот финалист Наковски волеј ќе се сретне со Јанта волеј – освојувачот во 2021-ва. Финалните мечеви се предвидени за в недела со преноси на МРТ-3.
