Градот Штип и салата „Јордан Мијалков“ ќе бидат боиште на шест натпревари за разврска во 31-то издание на одбојкарскиот куп на Македонија. Како лани во Радовиш и во Кавадарци пред две години, повторно ќе има завршен турнир со учество на вкупно осум екипи, по четрии во двете конкуренции.
За денеска се закажани поуфиналните средби кај мажите, а нема дилеми дека Струмица 47&72 е фаворит за нов успех, со амбиција домаќинот Штип УГД да се обиде да го искористи домашниот терен и да направи изненадување. Не треба да се заборави ниту на Работнички 71&22 којшто е најблиску до струмичани на првенствената табела, така што дерби карактер во оваа фаза има првата пресметка на турнирот. Во неа штипјани и скопјани ќе се обидат да обезбедат прво финале во клупската историја. Бранителот на трофејот, Струмица 47&71 треба да ја има целосната контрола против Лирија во второто полуфинале. Тимот од Жеровјане досега има едно финале, во 2013-та во
Тетово кога загуби од Вардар, а струмичани заработија шест куп-пехари едноподруго, седум во последните осум сезони, осум во претходните десет години, или, вкупно девет во периодот од 2012-та досега, кога само двапати не беа освојувачи на двојната круна, не броејќи ја незавршената ковид сезона(2019-та/2020).
За утре се предвидени женските полуфиналиња, а финалните мечеви се в недела. Натпреварите од завршниот тунир во купот можете да ги гледате на јутјуб каналот на Одбојкарската федерација на Македонија на следниот линк: https://www.youtube.com/@MacedonianVolleyball/streams , а МРТ ќе емитува пренос од двете финалиња на 24-ти март. Одбојкарски куп на Македонија (31-во издание), Штип, сала „Јаордан Мијалков“
Полуфинале (мажи) – денеска 21.03.2024
17.00 Работнички 71&22 – Штип УГД (https://www.youtube.com/@MacedonianVolleyball/streams)
20.00 Лирија – Струмица 47&72 (https://www.youtube.com/@MacedonianVolleyball/streams)
Полуфинале (жени) – петок 22.03.2024
17.00 Струмица ж. – Работнички Ск. (https://www.youtube.com/@MacedonianVolleyball/streams)
20.00 Наковски волеј – Јанта волеј (https://www.youtube.com/@MacedonianVolleyball/streams)
Финале – недела 24.03.2024
12.00 Финале (жени) – пренос МРТ-3
15.00 Финале (мажи) – пренос МРТ-3
